इलाम–१ मा निश्कल राईले बढाए अग्रता
इलाम । प्रतिनिधिसभा सदस्य निर्वाचन २०८२ अन्तरगत इलाम–१ मा मतगणना जारी रहँदा हालसम्म रोचक प्रतिस्पर्धा देखिएको छ । यस क्षेत्रमा नेपाली कांग्रेस र श्रम संस्कृति पार्टीबिच कडा टक्कर देखिएको हो ।
पछिल्लो मत परिणाममा कांग्रेसले अग्रता केही बढाएको छ । कांग्रेसका निश्कल राईले १२ हजार १३० मत ल्याउँदा श्रम संस्कृति पार्टीका विनोद नेम्वाङ लिम्बुले ११ हजार ५९१ मत ल्याएका छन् । दुईबिचको अन्तर ५३९ मत पुगेको छ । लिम्बुलाई सुर्योदय–८ मा केही धक्का लागेको थियो ।
नेकपा एमालेका काजी मान कागतेले १० हजार ९०५ तथा राष्ट्रिय स्वतन्त्र पार्टीका विमल गदालले ९ हजार ९३६ मत प्राप्त गरेका छन् ।
नेपाली कम्युनिस्ट पार्टीका रणबहादुर राई ६ हजार ३५७ मतसहित पाँचौँ स्थानमा छन् ।
