७.४ म्याग्निच्युडको शक्तिशाली भूकम्प, सुनामीको चेतावनी
काठमाडौं । इन्डोनेसियामा बिहीबार बिहान ७.४ म्याग्निच्युडको शक्तिशाली भूकम्प गएको छ । भूकम्पपछि त्यस क्षेत्रमा सुनामीको चेतावनी दिइएको छ ।
अमेरिकी भूगर्भ सर्वेक्षणका अनुसार, सुरुमा ७.८ म्याग्निच्युडको भूकम्प स्थानीय समयअनुसार बिहान ६:४८ बजे मुलुक्का समुद्रमा गएको थियो ।
भूकम्पको केन्द्रविन्दु टर्नेट सहरबाट लगभग १२० किलोमिटर टाढा थियो, जुन दुई लाखभन्दा बढी जनसंख्या भएको सानो तर घना बस्ती भएको टापु हो ।
सुनामी चेतावनी प्रणालीले भूकम्पको केन्द्रविन्दुबाट एक हजार किलोमिटरको दायराभित्र इन्डोनेसिया, फिलिपिन्स र मलेसियाको तटीय क्षेत्रहरूमा छालहरू पुग्ने सम्भावना रहेको बीबीसीले बताएको छ ।
