मन्त्री साहको पद जोखिममा
काठमाडौं, चैत २६ । प्रधानमन्त्री बालेन शाहले श्रम, रोजगार तथा सामाजिक सुरक्षा मन्त्री दीपककुमार साहलाई पदबाट हटाउने तयारी गरेको जानकारी प्रधानमन्त्रीनिकट स्रोतले दिएका छन्। स्रोतका अनुसार साहको कामकाजबाट प्रधानमन्त्री सन्तुष्ट छैनन्।
‘श्रम मन्त्रीलाई पदबाट हटाएर नयाँ मन्त्री बनाउने तयारीमा प्रधानमन्त्री हुनुहुन्छ,’ स्रोतले बताएका छन्। साह फागुन २१ गते भएको प्रतिनिधि सभा निर्वाचनमा रास्वपा उम्मेदवारका रूपमा महोत्तरी–२ बाट निर्वाचित भएका थिए।
दीपककुमार साहले लण्डन स्कुल अफ हाइजिन एण्ड ट्रपिकल मेडिसिनमा पिएचडी स्कलर, लण्डन स्कुल अफ इकोनोमिक्सबाट हेल्थ पोलिसी तथा प्लानिङ एण्ड फाइनान्सिङमा स्नातकोत्तर गरेका छन्। उनी इन्स्टिच्युट अफ मेडिसिनबाट पब्लिक हेल्थमा स्नातकोत्तर तथा अप्टोमेट्रीमा स्नातकोत्तर गरेका छन् र नेपाल दृष्टि विशेषज्ञ संघका अध्यक्षसमेत हुन्।
साह मन्त्री बनेको आज १४ दिन भएको छ र त्यही दिन उनलाई पदबाट हटाउने तयारी भइरहेको छ। यो घटनाले मन्त्रालयको कार्यवाहिमा नयाँ समीकरण सिर्जना गर्न सक्ने अनुमान गरिएको छ।
