रास्वपा सचिवालय बैठक बस्दै, यस्ता छन् छलफलका ६ वटा एजेन्डा
काठमाडौं, वैशाख ६ । राष्ट्रिय स्वतन्त्र पार्टी (रास्वपा) को सचिवालयको बैठक आज बस्दैछ । पार्टी केन्द्रीय कार्यालय वनस्थलीमा आज दिउँसो साढे ३ बजे बस्ने तय भएको बैठकमा जिल्ला अधिवेशन कार्यविधि २०८३, केन्द्रीय आयोग, सल्लाहकार परिषद्, संघीय नेतृत्व मञ्च र विभागहरूको मनोनयन, महाधिवेशन कार्यविधि मस्यौदा समिति गठनलगायत सम्बन्धमा छलफल हुने जनाइएको छ ।
साथै, बैठकमा प्रतिनिधिसभा सदस्यको संगठनात्मक जिम्मेवारी, बैंक खाता सञ्चालन , संसदीय दलका लागि प्राविधिक सहायता तथा लेबी सम्बन्धमा छलफल हुने जनाइएको छ ।
यस्ता छन सचिवलायमा बैठकका लागि तय गरिएका ६ वटा एजेन्डा-
पहिलो, रास्वपाको जिल्ला अधिवेशनको कार्यविधि, २०८३ बारे छलफल हुनेछ। दोस्रो, बैंक खाता सञ्चालन सम्बन्धी एजेन्डा रहेको छ। तेस्रो एजेन्डामा केन्द्रीय आयोग, सल्लाहकार परिषद्, संघीय नेतृत्व मञ्च र विभागहरूको मनोनयन रहेको छ भने चौथो, महाधिवेशन कार्यविधि मस्यौदा समिति गठन सम्बन्धी रहेको छ। त्यस्तै, पाँचौ विज्ञहरू, योजनाहरू आह्वान गर्ने र
छैटौँमा प्रतिनिधि सभाका सदस्यहरूको संगठनात्मक जिम्मेवारी, केन्द्रीय समिितको बैठक, संसदीय दलको लागि प्राविधिक सहायता एवं लेबी सम्बन्धी विषयमा छलफल हुने जनाइएको छ ।
