यामाल बने यस विश्वकपको सबैभन्दा कान्छो गोलकर्ता, स्पेन ४-०ले बिजयी
काठमाडौं, ८ असार । । स्टार विंगर लामिन यमाल यस विश्वकपमा गोल हान्ने सबैभन्दा कान्छो खेलाडी बनेका छन् ।
यमालको गोलीवाट फिफा विश्वकपमा गोलको खाता खोलेको दिन युरोपियन च्याम्पियन स्पेनले साउदी अरेबियाविरुद्ध ४–० को प्रभावशाली जित हासिल गरेको छ ।
फिफा विश्वकप २०२६ अन्तर्गत एट्लान्टा रंगशालामा सम्पन्न समूह ‘एच’को खेलमा स्पेनले सुरुआती मिनेट देखि नै आक्रमक खेल प्रस्तुत गरेको थियो । खेलको १०औं मिनेटमा स्ट्राइकर मिकेल ओयारजाबालको पासमा यमालले ट्याप इन गोल गर्दै स्पेनलाई अग्रतामा दिलाएका थिए ।
सो गोलसँगै १८ वर्ष ३४३ दिनका यमाल फिफा विश्वकप इतिहासमा आठौं कान्छा गोलकर्ताको रेकर्डसमेत बने। र, स्पेनका लागि उनी दोस्रो सबैभन्दा कान्छा गोलकर्ता भए । यसअघि स्पेनका मिडफिल्डर गाबीले सन् २०२२ कतार विश्वकपमा १८ वर्ष ११० दिनको उमेरमा गोल गरेका थिए ।
पहिलो खेलमा नवप्रवेशी केप भेर्डेसँग गोलरहित बराबरीमा रोकिएपछि चौतर्फी आलोचना भोगेको स्पेनले २४ मिनेटभित्र थप दुई गोल गरेर नयाँ किर्तिमान काम गरेको थियो । २१औं मिनेटमा ओयारजाबालले गोल गरेको तीन मिनेट बित्न नपाउँदै २४ मिनेटमा दोस्रो गोल गरेर स्पेनलाई ३–० अग्रता दिलाउन सफल भएका थिए । खेल अवधिभर ६७ प्रतिशत पोजेसन कायम गरेको स्पेनका कुकुरेयाले ४९औं मिनेटमा चौथो गोल गरिदिए ।
यो जितसँगै स्पेनले नकआउट चरणमा पुग्ने आफ्नो सम्भावनालाई बलियो बनाएको छ । अन्तिम ३२ मा प्रवेश गर्न समूहको अन्तिम खेलमा स्पेनलाई उरुग्वेविरुद्ध कम्तिमा एक अंक आवश्यक पर्नेछ।
