सरकारकाे १०० दिनः १ लाख ३६ हजार ५७५ जना सामाजिक सुरक्षा कोषमा आबद्ध
काठमाडौं, २० असार। बालेन्द्र शाह नेतृत्वको सरकारले सय दिनमा १५ हजार जनाले रोजगारी पाएको दावी गरेको छ ।
सरकार गठन भएको १०० दिन पुगेको अवसरमा शनिबार आयोजित पत्रकार सम्मेलनमा सरकारका प्रवक्तासमेत रहेका शिक्षा मन्त्री सस्मित पोखरेलले राष्ट्रिय रोजगार कार्यक्रम अन्तर्गत स्थानीय तहबाट छनौट भएका १७ हजार श्रमिकमध्ये हालसम्म १५ हजारले रोजगारी पाएको दावी गरेको हो ।
यसैगरी, सरकारले काठमाडौँका विभिन्न सुकुमबासी बस्तीबाट विस्थापित भएका ४६५ परिवारलाई राहत रकम प्रदान गरेको छ ।
यस अवधिमा एक सय २३ प्रतिष्ठान र एक लाख ३६ हजार ५७५ योगदानकर्तालाई सामाजिक सुरक्षा कोषमा आबद्ध गरिएको जानकारी समेत उनले दिए ।
यस्तै, त्रिभुवन विश्वविद्यालयमा अध्ययन बिदामा गएका ४ सय जना प्राध्यापकहरूबाट १३ करोड २३ लाख रुपैयाँ राजस्व फिर्ता गर्न सफल भएको प्रगति प्रतिवेदनमा उल्लेख छ ।
