संघीय संसद अन्तर्गतका तीन समितिको बैठक बस्दै
काठमाडौं, २४ असार । संघीय संसद अन्तर्गतका तीन समितिको बैठक बस्दैँछ ।
संघीय संसद भवन, सिंहदरवारमा उक्त समितिका बैठक बस्नेछन् ।
जसअनुसार अर्थ समितिको बैठक बिहान ८ः३० बजेबाट सुरू हुनेछ । जुन बैठकमा आर्थिक बर्ष २०८३÷८४को मौद्रिक नीतिले समेट्नु पर्ने सुझावहरूका सम्बन्धमा छलफल तथा समितिको स्थलगत अनुगमन सम्बन्धमा छलफल र समितिमा प्राप्त गुनासो सम्बन्धमा छलफल गरिने भएको छ ।
उता, पूर्वाधार विकास समितिको बैठक पनि बिहान ८ः०० बजेबाट सुरू हुनेछ । जुन बैठकमा मुलुकभरको खानेपानी व्यवस्थापन सम्बन्धमा छलफल हुनेछ भने कानुन, न्याय तथा मानव अधिकार समितिको बैठक बिहान ९ः०० बजे बोलाइएको छ ।
जुन बैठकमा मानवअधिकारको बर्तमान अवस्था, समस्या र सम्बर्धनमा आयोगको भुमिका सबन्धनमा राष्ट्रिय मानवअधिकार आयोगसँग छलफल तथा बाल सुधार गृहमा रहेका बालबालिकाहरूको मानवअधिकारको अवस्था सबन्धी निरिक्षण तथा अवलोकन उपसमितिको प्रतिवेदन, २०८३ पेश गरिने सबन्धित समितिले जनाएको छ।
