माइक्रोबसको ठक्करबाट १५ वर्षीया बालिकाको मृत्यु
कैलाली । कैलालीको लम्कीचुहा नगरपालिका–८ गप्कामा माइक्रोबसको ठक्करबाट १५ वर्षीया बालिकाको मृत्यु भएको छ।
बिहीबार बिहान बाटो काट्ने क्रममा सु.प.प्र.०१–००१ ख ४०८५ नम्बरको माइक्रोबसले ठक्कर दिँदा स्वस्तिका न्यौपाने गम्भीर घाइते भएकी थिइन्।
दुर्घटनामा घाइते न्यौपानेको उपचारका क्रममा बिहान ११ः०७ बजे टीकापुर अस्पतालमा मृत्यु भएको प्रहरीले जनाएको छ।
घटनापछि माइक्रोबस चालक प्रताप चौधरीलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
