देउवा नेतृत्वको सरकारद्वारा तुलसी गिरीलाई २५ लाख रुपैयाँ आर्थिक सहायता दिने निर्णय
काठमाडौं, १४ पुस । भर्खरै ताजा जनादेश लिएर निर्वाचित सरकारले झैं राजनीतिक नियुक्ति र दूरगामी महत्वका निर्णयहरु गर्दै आएको शेरबहादुर देउवा नेतृत्वको सरकारले शाही मन्त्रिपरिषदका उपाध्यक्ष तुलसी गिरीलाई २५ लाख रुपैयाँ आर्थिक सहायता दिने निर्णय गरेको छ ।
फाईल फोटो
बिहीवार बसेको मन्त्रिपरिषद् बैठकले स्वास्थ्योपचारका लागि भन्दै २५ लाख रुपैयाँ उपलब्ध गराउने निर्णय गरेको हो ।
निर्वाचनको नयाँ नतिजा आएपछि देउवा सरकारले सरकारी कोषबाट आसेपासेलाई १० करोड रुपौया वितरण गरिसकेका छन् ।
बिहीवार बसेको मन्त्रिपरिषद बैठकमा उपप्रधानमन्त्री कमल थापाको प्रस्ताव अनुरुप गिरीलाई २५ लाख रुपैयाँ आर्थिक सहायता दिने निर्णय गरेको हो । विहीवारकै मन्त्रिपरिषद् बैठकले गृह मन्त्रालयको प्रस्तावमा सयभन्दा बढीलाई आर्थिक सहायता दिने निर्णय गरेको जनाइएको छ । – चक्रपथ
