माओवादी केन्द्रका युवा नेता न्यौपानेले भने,- एमालेसँग एकता गर्नु भनेको बिलय नै हो, तर बोल्न मिल्दैन
काठमाडौं । नेकपा माओवादी केन्द्रका युवा नेता लेखनाथ न्यौपानेले एमालेसंग पार्टी एकता नभएर माओवादी केन्द्रको एमालेमा बिलय हुने बताएका छन् । हिजो (बुधबार) प्रज्ञा प्रतिष्ठान राष्ट्रिय फेडेरेसन तथा केही अरु संगठनबाट प्रबेश गरेका बिद्यार्थीहरुलाई प्रशिक्षण दिन प्रमुख अतिथि बनेका उनले सो कुरा बताएका हुन् । ईमान्दार मिडियामा खबर छ ।
उनले बिद्यार्थीहरुलाई भने “एमालेसंग पार्टी एकता होइन बिलयनै हो, हाम्रो इतिहास बचाउन हामीले बहस चलाउनु पर्छ ।” मैले भन्न सक्ने कुरा यती हो । माथिल्लो तहमा नेताहरुले कुरा गरिरहेका छन् हामीले बोल्न मिल्दैन तर पार्टी भित्र हामी युवा बिद्यार्थीहरुले बहस चलाऔ । हाम्रो इतिहास बचाउन पनि त्यो गर्नै पर्छ ।
यदि तपाई हामी सचेत भएनौ भने हाम्रो त्याग, तपस्या र प्राप्त इतिहार सबै खेर जाने खतरा छ । उनले नेतृत्व प्रति आक्रोश नदेखाएपनि एकताको भने खुलेरै बिरोध गरेका थिए ।
पार्टी एकता बाध्यता भएको भन्दै त्यसका लागि मुलभूत आधारहरु तयारपारिनुपर्ने बताएका छन् । ‘पार्टी एकता गर्ने विषयवस्तु सामान्य होइन, यसमा इतिहासको रक्षाको प्रश्न छ ।’ उनले भने -‘कार्यकर्ताहरुलेको रक्षाको प्रश्न छ, नेपाली समाजको अध्ययन गरेर राजनीतिक, आर्थिक, सामाजिक हिसावले नेतृत्व गर्ने बिषय छ ।’ यी सबै विषयमा पार्टीभित्र र बाहिर छलफल कहिँ पनि नभएको उनले बताए ।
