केपी ओलीलाई टेलिफोन गर्दै भारतीय प्रधानमन्त्री मोदीले के भने ?
काठमाडौं, ७ माघ । भारतीय प्रधानमन्त्री नरेन्द्र मोदीले एमाले अध्यक्ष केपी शर्मा ओलीलाई टेलिफोन गरी नेपालमा बन्ने नयाँ सरकारको प्रतीक्षामा रहेको वताएका छन् । एमाले–माओवादी एकता संयोजन समितिको बैठक करिव अन्तिममा पुगेका बेला ओलीलाई टेलिफोन गर्दै भारतीय प्रधानमन्त्री मोदीले आफू नयाँ सरकारसँग काम गर्न ब्यग्र रहेको वताएका हुन् ।
प्रत्यक्ष तर्फको चुनावी परिणाम आएको दुई हप्तापछि भारतीय प्रधानमन्त्री मोदीले ओलीलाई टेलिफोन गरी चुनावी विजयका लागि वधाई दिएका थिए ।
नयाँ सरकार बन्ने प्रक्रियामा राष्ट्रियसभा निर्वाचनका कारण ढिलाई भइरहेको अवस्थामा एमाले अध्यक्ष ओलीलाई मोदीको दोस्रो फोन आएको हो । एक महिनाभित्र वाम गठबन्धनको नेतृत्वमा नयाँ सरकार बन्ने र प्रधानमन्त्री केपी ओली बन्ने सर्वत्र अनुमान गरिएका बेला मोदीले ओली नेतृत्वसँग सहकार्य गर्न इच्छुक भएको वताएका हुन् ।
नेपालको विकास र समृद्धिका लागि नयाँ सरकारले अघि सार्ने हरेक कार्यक्रममा आफू सहयोगी हुने इच्छा मोदीले ब्यक्त गरेका छन् ।
करिव साढे ४ मिनेट भएको टेलिफोन संवादमा एमाले अध्यक्ष ओलीले मोदीको सदासयताका लागि धन्यवाद दिए । नेपाल राजनीतिक स्थायित्वको मार्गतर्फ अग्रसर भएको र अव विकासको लक्ष्य हासिल गर्न छिमेकीका रुपमा भारतको सहयोग महत्वपूर्ण हुने ओलीको भनाई थियो ।
