नवनिर्वाचित सांसद पम्फा भुषालले एमाले र माओवादीवीचको एकताबारे ल्याईन यस्तो खुशीको खबर !
गम्भिर छलफल गरेर एकताबारे नयाँ कोर्स लिन सक्ने संकेत
काठमाडौं, २९ माघ । नेकपा माओवादी केन्द्रकी प्रवक्ता एवम् नवनिर्वाचित सांसद पम्फा भुषालले एमाले र माओवादीवीचको एकताबारे भोलि अध्यक्षद्धय केपी शर्मा ओली र पुष्पकमल दाहाल प्रचण्डवीच निर्णायक वार्ता हुने बताएकी छिन् ।
सोमबार साँझ पत्रकार ऋषि धमलासँग संक्षिप्त कुराकानी गर्दै उनले भोलि कुनैपनि बेला अध्यक्षद्धयले गम्भिर छलफल गरेर एकताबारे नयाँ कोर्स लिन सक्ने संकेत गरिन् ।
उनका अनुसार अहिलेसम्म सबै कुरामा करिब करिब सहमति भएपनि नीति तथा नेतृत्वको बारेमा ठोस सहमति हुन नसक्दा एकतामा ढिलाई भएको हो । तर, भोलिको भेटवार्तामा यी दुवै विषय टुँगो लगाउन विशेष कार्यदल बनाएर अघि बढ्ने उनको विश्वास थियो ।
हुन त आज भएको दुई नेतावीचको ३ घण्टा लामो एक्लाएक्लै भेटवार्तामा करिब करिब एकताको अग्रिम खाका बनिसकेको अड्कलबाजी दुवै दलका शीर्ष नेताहरुले गरिसकेका छन् । उनीहरुवीच नेतृत्वमा आलोपालो हुन सक्ने आँकलन गरिएको छ । यद्धपी त्यसबारेमा भने ठोस सहमति हुन सकेको छैन् ।
आज भएको छलफलको विन्दुबाट भोलि पूनः छलफल अघि बढाईने प्रवक्ता भुषालले विश्वास दिलाईन् । उनका अनुसार आज भएको ओली र प्रचण्डवीचको बैठक निकै सकरात्मक छ । त्यसपछि मात्र एकता संयोजन समितिको बैठक बस्नेछ, जहाँ एकतावारे ठोस प्रगति हुन सक्छ ।
एकीकृत पार्टीको अध्यक्ष र प्रधानमन्त्रीको बाँडफाँडमा दुई दलवीच कुरा मिलेको छैन् ।
