सम्मानका क्रममा प्रधानमन्त्री ओलीले पारस खड्कालाई भने,- इतिहाँसमा नेपालले देश बचाउन तोपसँग खुकुरीले लडेर जितेको इतिहाँस छ, कुस्ती होइन, क्रिकेट खेल्न जाने हो, जितेर आउनुस् – हेर्नुहोस् भिडियो
नेपाली क्रिकेट टोलीको घोषणा
काठमाडौँ, ७ फागुन । जिम्बावेमा आयोजना हुने विश्वकप क्रिकेट छनोट खेलका लागि नेपाली राष्ट्रिय टोलीको घोषणा भएको छ ।
अन्तर्राष्ट्रिय क्रिकेट काउन्सिल (आइसिसी)ले पारस खड्काको कप्तानीमा चार वैकल्पिक खेलाडीसहित १९ सदस्यीय खेलाडीको घोषणा गरेको हो ।
घोषित टोलीमा कप्तान खड्कासहित उपकप्तान ज्ञानेन्द्र मल्ल, दिलीप नाथ, दीपेन्द्रसिंह ऐरी, शरद भेषवाकर, आरिफ शेख, रोहितकुमार पौडेल, वसन्त रेग्मी, सोमपाल कामी, करण केसी, सन्दीप लामिछाने, ललित भण्डारी, शक्ति गौचन, अनिलकुमार साह र ललितनारायण राजवंशी छन् । वैकल्पिकतर्फ सुनील धमला, किशोर महतो, सिद्धान्त लोहनी र विनोद भण्डारी रहेका छन् ।
यही फागुन २० गतेदेखि शुरु हुने छनोट खेलमा नेपाल समूह ‘बी’ मा रहेको छ । नेपालको समूहमा आयोजक जिम्बावे, अफगानिस्तान, स्कटल्याण्ड र हङ्कङ छन् । नेपालले आफ्नो पहिलो खेल फागुन २० गते जिम्बावेसँग खेल्ने छ भने दोस्रो खेल फागुन २४ गते स्कटल्याण्डसँग, तेस्रो २६ गते अफगानिस्तानसँग र चौथो खेल २८ गते हङ्कङसँग खेल्ने छ । प्रतियोगिताको विजेता र उपविजेता टोलीले सन् २०१९ मा इङ्ल्याण्ड हुने विश्वकप प्रतियोगितामा सहभागिता जनाउने छन् ।
विश्वकप छनोटमा पुगेका नेपाली क्रिकेट टोलीका सदस्यले पाउने भए जनही ४ लाख:
विश्वकप छनोटमा पुगेर शनिवार नेपाल फर्केको नेपाली नेपाली क्रिकेट टोलीका सदस्यहरुलाई सरकारले जनही ३-३ लाख रुपैयाँ दिने भएको छ ।
क्रिकेट खेलाडीहरुको सम्मानमा बालुवाटारमा आयोजित कार्यक्रममा प्रधानमन्त्री केपी शर्मा ओलीले प्रशिक्षकसहित खेलाडीहरुलाई जनही ३-३ लाख दिने बताएका हुन् ।
यस्तै मदन भण्डारी स्पोट्र्स एकेडेमीका विनोद श्रेष्ठले सरकारले दिएको रकममा एकेडेमीले एकएक लाख थप गर्ने घोषणा गरेका छन् ।
प्रधानमन्त्री ओलीले गरे खेलाडीको सम्मान :
प्रधानमन्त्री केपी शर्मा ओलीले प्रधानमन्त्री निवास बालुवाटारमा नेपाली राष्ट्रिय क्रिकेट टिमका खेलाडीलाई सम्मान गर्ने क्रममा प्रधानमन्त्री ओलीले पारस खड्कालाई भने, “इतिहाँसमा नेपालले देश बचाउन तोपसँग खुकुरीले लडेर जितेको इतिहाँस छ, कुस्ती होइन, क्रिकेट खेल्न जाने हो, जितेर आउनुस्” – हेर्नुहोस् भिडियो
