मन्त्रिपरिषद् विस्तारको तयारी भईरहेका बेला प्रचण्ड निवास खुमलटारमा मन्त्री माग्नेको भीड
काठमाडौं । माओवादी केन्द्रका अध्यक्ष प्रचण्ड निवास खुमलटारमा मन्त्री माग्नेको भीड लागेको छ ।
आजै मन्त्रिपरिषद् विस्तारको तयारी भईरहेका बेला मन्त्री माग्नेको भिड लागेको हो । बुधबार बिहानै प्रचण्ड निवास माओवादी नेताहरुले भरिएको थियो । तर प्रचण्डले प्रधानमन्त्री केपी ओलीसँग छलफल गर्न बाँकी रहेको भन्दै नेताहरुलाई फर्काएका थिए ।
मन्त्री माग्दै निवासमा आइपुगेका नेताहरुलाई प्रचण्डले आफ्नो दलले कतिवटा र कुन कुन मन्त्रालय पाउने भन्ने निश्चित भइनसकेको जवाफ दिए । प्रचण्डले नेताहरुलाई भने, ‘म अहिले प्रधानमन्त्रीजीलाई भेट्न जाँदैछु, पहिले हामीले पाउने मन्त्रालयहरुको टुंगो लगौं, अनि तपाईहरुलाई बोलाउँछु ।’
करिब १०/१२ जनाको संख्यामा प्रचण्ड निवासमा पुगेका नेताहरु व्यक्तिगत रुपमा त्यहाँ उपस्थित भएका थिए । मन्त्री माग्न आएका नेताहरुबाट पन्छिएर अध्यक्ष प्रचण्ड केपी ओलीलाई भेट्न निवासबाट बाहिरएका छन् । जुमएनपी ।
