नियुक्तिको १० दिनमै मागियो मुख्यमन्त्रीको राजीनामा !
काठमाडौं, फागुन १३ । प्रदेश नम्बर ६ को नामाकरणसँगै त्यहाँ आन्दोलन सुरु भए संगै मुख्यमन्त्री महेन्द्र बहादुर शाहीको राजिनामा मागेका छन् ।
शनिबार प्रदेश नं ६ को नाम र राजधानी तोके संगै कर्णाली बासी आन्दोलन मा उत्रिएका छन् ‘कर्णाली’ नाम राखेर ‘कर्णाली विशेष स्वायत्त क्षेत्र’को अवधारणा अस्विकार गरेको आन्दोलनकारी ले आरोप लगाएका छन् । कर्णाली जनअधिकार मञ्च नेपालको अगुवाइमा आइतबार काठमाडौंमा विरोधका कार्यक्रम घोषणा हुँदैछ ।
‘कर्णाली विशेष स्वायत्त क्षेत्र’को अवधारणा अस्विकार गर्नु कर्णालीबासी माथि अपमान भएको आरोप आन्दोलनकारीले लगाएका छन्, राज्यले धरै पहिले देखि कर्णालीका जनता र कर्णालीको नाम बेचेर धरै लियो अब फेरी पनि हाम्रो नाम बेचेर हाम्रो अपमान सुरु भएको छ त्यसका बिरुद आन्दोलनको सुरुवात भएको छ कर्णाली जनअधिकार मञ्च का अध्यक्ष प्रकास रोकायाले भने । साथै आन्दोलित समूहले मुख्यमन्त्री महेन्द्र बहादुर शाही र प्रदेश संसदले हतारमा एकलौटी निर्णय गरेको भन्दै मुख्यमन्त्रीको राजीनामा समेत माग गरेका छन् ।
साथै प्रदेश राजधानी समेत जुम्लामै राखिनुपर्ने माग गर्दैआएका छन् । कर्णाली विशेष स्वायत्त प्रदेशको रुपमा अन्तरिम संविधानमै उल्लेख गरिएको कुरालाई केन्द्र र प्रदेश सरकारले बिर्सेर कर्णालीबासीको नाममा फेरि शोषण गर्न नपाइने भन्दै उनीहरु आन्दोलित भएका हुन् ।
