जिम्बावेले नेपाललाई ३८१ रनको चुनौती : नेपाललाई सुरुवातमै झट्का, दिलिप नाथ दुई रनमै आउट
काठमाडौँ, २० फागुन । आइसिसी विश्वकप छनोटअन्तर्गत आज भएको पहिलो खेलमा नेपालले ३८१ रनको विजय लक्ष्य पाएको छ ।
विश्वकप छनोट अन्तरगतको पहिलो खेलमा जिम्बावेले दिएको ३८१ रनको विशाल लक्ष्य पछ्याएको नेपाललाई सुरुवातमै झट्का लागेको छ ।
ओपनर दिलिप नाथ तेन्दाई चतराले दुई रनमै आउट गरे । चार ओभरको समाप्तिमा नेपालले एक विकेट गुमाएर मात्रै १० रन जोडेको छ । अहिले क्रिजमा पारस खड्का र ज्ञानेन्द्र मल्ल रहेका छन् ।
जिम्बाब्वेस्थित क्वीन्स स्पोर्टस क्लबमा जारी खेलमा टस जितेर पहिले व्याटिङ रोजेको आयोजक जिम्बाब्वेले निर्धारित ५० ओभरमा ६ विकेट गुमाएर ३८० रनको योगफल बनायो ।
जिम्बाब्वेका लागि शिकन्दर राजा र ब्रेन्डन टेलरले शतक प्रहार गरे । शिकन्दरले सर्वाधिक १२३ रन जोडे भने ब्रेन्डन १०० रन जोड्दै आउट भए । त्यसैगरी जिम्बाब्वेका सोलोमन मिरेले ५२ रन बनाए ।
त्यसैगरी, सेफास झुवाओले ४१, क्रेग एर्भिनले ३४ तथा ह्यामिल्टन मासाकाड्जाले १७ रन जोडे ।
नेपालका लागि वसन्त रेग्मीले दुई विकेट लिए भने सोमपाल कामी, ललितनारायण राजवंशी र सन्दिप लामिछानेले एक÷एक विकेट लिए । नेपाल अहिले जवाफी व्याटिङमा खेलिरहेको छ ।
