धनकुटामा मतदाता नामावली दर्ता गरिदै, ५ सय १७ जनाले नाम दर्ता गराए
धनकुटा । जिल्ला निर्वाचन कार्यलय धनकुटामा जारी मतदाता नामावली दर्ता कार्य अन्तर्गत भदौ पहिलो हप्ता सम्म ५ सय १७ जनाले आफ्नो नाम दर्ता गराएका छन् ।
नाम दर्ता गराउनेहरुमा २ सय ६२ जना महिला र २ सय ५५ जना पुरुष रहेकाछन् । कार्यलयले गत वैशाख देखी शूरु गरेको मतदाता नामावली दर्ताको काम जेष्ठ महिनावाट जिल्ला प्रशासन कार्यलयमा समेत दर्ता कर्मचारी राखेर काम गरिरहेको कार्यलयका सूचना अधिकारी केशव पौडेलले जानकारी दिनुभयो ।
मतदाता नामावलीमा नाम दर्ताका लागि हालै मात्र उमेर पुगेका र पहिला नाम दर्ता गर्न गराउनवाट छुटेकाहरको नाम दर्ता गरिदै गरिएको उहाँको भनाई छ ।
वैशाख देखी थालिएको यो काममा नामावली दर्ता गर्ने को संख्या किन थोरै भन्ने प्रश्नमा उहाँले वर्षातको समय मानिसहरु काममा व्यस्त भएका कारण यस्तो भएको हुन सक्ने वताउनुभयो । साथै उहाँले विवरण सच्याउने नामावली सार्ने लगायतका काम पनि गरीरहेको वताउनुभयो ।
