धनकुटा नगरलाई बालमैत्रि घोषणा गर्न सके अन्य सूचकहरु पनि पूरा हुन्छ : कार्यबाहक प्रमुख जंगबहादुर
धनकुटा । धनकुटा नरगपालिकालाई बालमैत्रि नगर घोषणा गर्न सबै सरोकारवाला लाग्नु पर्नेमा धनकुटा नगरपालिकाका कार्यबाहक प्रमुख जंगबहादुर राईले जोड दिनुभयो ।
धनकुटा नगर बालमैत्रि घोषणमा सञ्चारकर्मीहरुको भुमीका सम्बन्धि अभिमुखीकरण कार्यक्रममा बोल्दै उहाले नगरलाई बालमैत्रि घोषणा गर्न सके नगरका अन्य सूचकहरु पनि पूरा हुने हुदा यस कार्यमा लाग्न सबैलाई आग्रह गर्नु भयो ।
कार्यक्रममा बोल्दै नेपाल पत्रकार महासंघ धनकुटाका सचिब विदुर खवासले नगरले सञ्चालन गर्ने यो अभियानलाई नेपाल पत्रकार महासंघ धनकुटा शाखा र धनकुटामा क्रियासिल सबै पत्रकारहरुले पूर्णरुपमा सहयोग गर्ने प्रतिबद्धता जनाउनुभयो ।
कार्यक्रममा सहजकर्ता विष्णु प्रसाद चौबेले बालमैत्रि स्थानीय शासन बाल अधिकार ऐतिहासिक विकास क्रम सहितको अवधारणा,बालबालिकाका लागि संबैधानिक र नितिगत व्यवस्था र नरपालिकाको लगानी, वडा तथा नगर बालमैत्रि निमार्णमा सञ्चारकर्मीको भुमीका र बाल मैत्रि सूचक र नतिजामुखी प्रतिबद्धता सम्बन्धि कार्यपत्र प्रस्तुत गर्नु भएको थियो ।
कार्यक्रममा सहभागी सञ्चारकर्मीहरुले नगरलाई बालमैत्रिघोषणा गर्ने अभियानलाई पूर्णरुपमा सहयोग गर्ने प्रतिबद्धता जनाएका छन । कार्यक्रममा धनकुटा नगरपालिकाका सामाजिक विकास शाखा प्रमुख नुसराज श्रेष्ठले बालमैत्रि घोषणा कार्यक्रमलाई सबै वडामा सत्रियताका साथ लागु गर्न नगरपालिका लागि परेको बताउनुभयो । (फाईल फोटो)
