धनकुटा नगरमा बाल मैत्रि आचार संहिता निमार्ण
धनकुटा । धनकुटा नगरपालिकालाई बाल मैत्रि नगर घोषणा गर्ने अभियान अन्तरगत आज बाल मैत्रि आचार संहिता निमार्ण गरिएको छ ।
धनकुटा नगरपालिका धनकुटाले आयोजना गरेको बालमैत्रि आचारसंहिता निमार्ण कार्यशालामा सहभागि सरोकारवालाहरुले बाल मैत्रि आचार संहिता निमार्ण गरेका हुन ।
धनकुटा नगरपालिकाका प्रमुख चिन्तन तामाङको अध्यक्षतामा भएको उक्त कार्याशालामा प्रमुख प्रशासशिय अधिकृत टिका दत्त राई , १० वटा वडाका वडाध्यक्षहरु,कार्यापालिका सदस्यहरु , नेपाल पत्रकार महासंघ धनकुटाका सचिव विदुर खवास ,धनकुटा नगरपालिकामा क्रियाशिल संघ सस्थाका प्रमुख, शिक्षक, विद्यालय व्यवस्थापन समितीका अध्यक्ष , ,बाल क्लबका प्रतिनिधि, विषयगत शाखाका प्रमुखहरुको उपस्थिती रहेको थियो ।
नगरपालिकालाई बाल मैत्रि नगर घोषणा गर्नुपर्ने ३९ सुचक मध्ये बालमैत्रि आचारसंहिता निमार्ण पनि एउटा सूचक रहेको धनकुटा नगरपालिकाका सामाजिक विकास शाखा प्रमुख नुसराज श्रेष्ठले जानकारी दिनुभयो ।
२०७६ साल चैत्र भित्र बाल मैत्रि नगर घोषण गर्ने नितिगत निर्णय गरेको नगरपालिकाले वडा नं १ मा लगानी योजना समेत निमार्ण गरी सकेको छ । बालमैत्रि आचारसंहिता निमार्ण कार्यशालाको सहजीकरण राष्ट्यि सहजकर्ता विष्णुप्रसाद चौंबेले गर्नुभएको थियो ।
