यसकारण धनकुटामा दोस्रो किस्ता लिने भुकम्प पीडित घटे…
धनकुटा खबर । धनकुटामा भुकम्प पीडितले पाउने अनुदान रकमको पहिलो किस्ताको तुलनामा दोस्रो किस्ता लिने पीडितको संख्या घटेको छ ।
शुरुवातमा प्राबिधिक अभावका कारण घर बनाउन ढिला भएकोले दोस्रो किस्ता लिनेको संख्या घटेको जिल्ला आयोजना कार्यन्बायन इकाइ धनकुटाका प्रमुख दिप नारायण झा ले बताए ।
दोस्रो किस्ता लिने म्याद गत साउन महिना सम्म मात्र भएपनि पहिलो किस्ता भन्दा दोस्रो किस्ता लिन आउने पीडितको संख्या घटे पछि सो म्याद समेत थप गरि अनुदान दिन सुरु गरिएको छ ।
गत २०७२ सालमा गएको भुकम्पमा परि भत्कीएको घर पुन निर्माणको लागि सरकारले पहिलो किस्ता बापत ५० हजार दोस्रो किस्ता बापत एक लाख पचास हजार तेस्रो किस्ता बापत एकलाख गरी कुल तीन लाख रुपैया दिने निर्णय गरेको थियो ।
अनुदानको लागि सिफारीस भएका कुल २७९६ परीवार मध्ये २४७७ परिबारले पहिलो किस्ता बापतको रकम लगेका थिए । तर दोस्रो किस्ता हाल सम्म १४५६ परिवारले मात्रै बुझेका छन् ।
