निर्मला पन्तको लागि न्याय माग्दै धनकुटाका महिला सडकमा !
धनकुटा खबर । बलात्कारी तथा हत्यारालाई कारवाही नगरेसम्म धनकुटामा महिलाहरुले सशक्त सडक आन्दोलन जारी राख्ने आज धनकुटामा विरोध रयाली पछी आयोजित बिरोध सभामा महिला अधिकारकमीहरुले उद्घोष गरेका छन ।
धनकुटामा क्रियाशिल विभिन्न महिला संघ संस्थाहरुको समन्वय र डल्बु डल्बु जे धनकुटा सम्र्पक व्यक्तिको संयोजनमा धनकुटाको मदन चौकबाट निर्मला पन्तको वालत्कारी तथा हत्यारारलाई कारवाहीको माग गर्दै निकालिएको विरोध ¥यालीले धनकुटा बजारको विभिन्न भागहरुको परिक्रममा गरी पुन मदन चौकमा आई भएको विरोध सभामा पूर्व सांसद अञ्जना ताम्लीले सरकार बलात्कारी र हत्यारालाई संरक्षण गर्न लागिरहेको आरोप लगाउनु भयो ।
कार्यक्रममा नेपाली कांग्रेस धनकुटाका सचिव विजय सन्तोषी राईले मुलुकमा अहिले दण्डहिनता बढेको हत्या हिंसा र बलात्कारीको घट्ना दिन प्रतिदिन बढेकोले सरकारल असफल हुदै गएको वताउनु भयो ।
सकल्प धनकुटाका अध्यक्ष मिना राईको अध्यक्षतामा सम्पन्न भएको विरोध ¥याली तथा विरोध सभामा राष्ट्रिय जनमोर्चा धनकुटाका अध्यक्ष तुलमान राई,धनकुटा नगरपालिका वडा नं. ५ का निर्वाचित वडा सदस्य तथा महिला संघकी केन्द्रिय प्रतिनिधि अम्विका परियार लगायत महिला अधिकारकर्मीहरुले निर्मला पन्तको बलात्कारी र हत्यारालाई कारवाही नभए सम्म र महिला हिंसा नरोकिएसम्म धनकुटामा सडक आन्दोलन जारी राख्ने उद्घोष गर्नु भयो ।
कार्यक्रमको संचालन प्यारालिगल धनकुटाका अध्यक्ष कोपिला शंकरले गर्नु भएको थियो भने कार्यक्रमको उदेश्यमाथि डल्बु डल्बु जे धनकुटाका स्रोत व्यक्ति जयन्ती राईले प्रकाश पार्न भएको थियो ।
मानवअधिकारकर्मी गिता अधिकारी,हिमा चेम्जोङ्ग,रेजिनामा हिङमाङ्ग,निरुपा राई,तारा वस्नेत तिवारी,ताराकला राई,पशुपती राई,सत्यकला राई जानुका सुन्दास,वडा नं. ५ का निर्वाचित वडा सदस्य सिता श्रेष्ठ लगायत महिला अधिकारकर्मीहरुको सहभागतिा रहेको थियो ।
