चाड पर्व नजिकिँदै गर्दा चौविसेस्थित ३५ घर मिलेर गरे पैदल बाटोको सफाई
धनकुटा खबर । नजिकिदै गरेको चाड पर्वलाई ध्यानमा राखी धनकुटाको चौविसे गाउँपालिका ४ माथिल्लो सुरुंगीका स्थानीयले सोगुम सुरुंगी जोडेने पैदल वाटो सरसफाई गरेका छन् ।
त्यहाँका स्थानिय फुल वहादुर मगर र ईन्द्र लुंगेली नेतृत्वको टोलिले झण्डै ५ हजार मिटर लम्वाईको सो पैदल यात्रा गर्ने वाटो आज सफा गरेका हुन् ।
साथै उनीहरुले तावली खानेपानीको मूहान,गाउँको चौतारा र अन्य पैदल यात्रा गर्ने गोरेटो वाटोको समेत सरसफाई गरेको स्थानिय विनोद मगरले जानकारी दिनुभयो ।
सरसफाई कार्यमा त्यहाँका ३५ घर उपभोक्ताहरुको समेत सहभागिता थियो ।
