छथरजोरपाटीद्वारा त्रैमासिक प्रगति बिवरण सार्वजनिक
धनकुटा । छथर जोरपाटी गाउँपालिका धनकुटाले आफ्नो त्रैमासिक प्रगति सार्वजनिक गरेको छ ।
गाउँपालिकाले दशै तथा तिहारको अबसरमा शुभकामना आदानप्रदान कार्यक्रम गरेर उक्त जानकारी दिएको हो ।
शुभकामना तथा सार्वजनिकीकरण कार्यक्रम गरेर गाउँपालिका अध्यक्ष शेर बहादुर लिम्बुले पूँजिगत तर्फ ४७ लाख ६१ हजार र चालु तर्फ ५२ लाख बराबरको आर्थिक प्रगति भएको जानकारी दिनुभयो ।
कार्यक्रममा हाल भईरहेका भौतिक, सचेतना, अनुदान लगाएत बिभिन्न ४४ वटा कार्यक्रमका बारेमा जानकारी दिईएको थियो ।
बिभिन्न ७ वटा ऐनहरुको कार्यान्वयन तथा ब्यबस्थापन गरिरहेको गाउँपालिकाले हाल सम्म ८ लाख ५० हजार कर संकलन गरेको जानकारी दिएको छ ।
कार्यक्रममा जिल्ला समन्वय समिति धनकुटाका सदस्य शिव आङ्ला,गाउँपालिकाकी उपाध्यक्ष भीमकला श्रेष्ठ,निर्माण ब्यबसायी संघका केन्द्रिय सदस्य यज्ञ प्रसाद खतिवडा लगाएतले शुभकामना दिनुभएको थियो ।
