उन्नत जातको बिउ अनुदानमा पाएसंगै फूलैफुलले ढाक्यो गाउँ !
धनकुटा खबर । धनकुटाको वडा नं. ३ यति बेला सयपत्री फूलले ढाकेर ढकमक्क बनेको छ ।
यस वडामा अहिले प्राय: सबै घरका करेसाबारी र बारीहरुमा तिहारका लागि फुल फलेको देख्न पाईन्छ । फूलको पकेट क्षेत्रको रुपमा रहेको यस वडाको फूल खेतीलाई थप प्रवद्र्धन गर्न ७५ प्रतिशत अनुदानमा यो पटक फूलको बिउ बितरण गरेको छ ।
वडाका १ सय ५० कृषकलाई २ लाख ५० हजार बरावरको उन्नत जातको बिउ वितरण गरेपछि यो वडाका स्याउले, सितेन, निगाले, कागते लगाएतका गाउँहरु फूल फुलेर रंगिन भएका छन् ।
वडाको करिव २ सय रोपनीमा लगाईको सयपत्री फूलबाट यो तिहारमा वडाका कृषकले ७५ लाख भन्दा बढीको फूल बेच्ने वडा अध्यक्ष बिकास घिमिरेले जानकारी दिनुभएको छ ।
