व्यावसाय संचालनका लागि अनुदान पाउने भएसंगै बसाई सराई आउन थाले
धनकुटा खबर । तेह्रथुको छथरगाउँपालिकाले बसाई सरेर आउने नागरीक लाई १ लाख देखि ५ लाख सम्म व्यावसाय संचालनका लागि अनुदान दिने निती ल्याए संगै यस गाउँपालिकामा अन्य स्थानबाट बसाई सरेर आउन थालेका छन् ।
गाउँपालिकाले यो निती लागु गरे संगै केहि महिनामा नै धनकुटा, मोरङ्ग, सुनसरी लगायतका जिल्ला बाट १० घर परिवार बसाई सराई गरि छथरगाउँपालिका आएको छथरगाउँपालिका तेह्रथुमका अध्यक्ष सन्तवीर लिम्बुले जानकारी दिए । उनले भने अहिले १० घर परिवार बसाई सरेर आई सक्नु भएको अन्य केही परिवार पनि चाडै आउने सम्पर्क भई रहेको छ ।
गाउँपालिका बाहिर बाट आउने १० घर परिवारले व्यावसायीक योजना समेत गाउँपालिकामा बुझाई सक्नु भएकोले घोषित रकम पनि ती परिवार लाई चाडै उपलब्ध गराउने अध्यक्ष लिम्बुले बताए । यसरी पेश गरिएका योजनामा सिलाई बुनाई , बाख्रा पालन लगायतका व्यावसाय रहेका छन् ।
आर्थिक बर्ष २०७५-७६ निती तथा कार्यक्रमा समाबेस गरिएको कार्यक्रमका लागि १० रकम छुट्याएको र बसाई सरेर आउनेको आधारमा कोषको रकम लाई वृद्धि गर्दै लगिने गाउँपालिकाले जनाएको छ ।
