गरिब किसानका लागि सरकारी अनुदान र सहयोगका कार्यक्रम बालुवामा पानी खन्याए सरह यसकारण हुन्छन (भिडियो सहित)
किसानका घरदैलोमै सेवा : आर्थिक वर्षको ६ महिना बित्न लाग्दा एउटा पनि योजना र कार्यक्रम अघि बढाइएन
धनकुटा खबर । किसानका घरदैलोमै सेवा पुर्याउने भन्दै स्थापना गरिएको केन्द्रबाट आर्थिक वर्षको ६ महिना बित्न लाग्दा एउटा पनि योजना र कार्यक्रम अघि बढाइएको छैन । केन्द्रले कार्यक्रम सन्चालन कार्यविधिनै नपठाएपछि कृषिज्ञान केन्द्र धनकुटाले कृषि सम्बन्धी योजना र कार्यक्रम अघि बढाउँनै सकेको छैन् ।
खेर गएको जमिनमा फलफूल खेती, चैतेधान, अदुवा मिसन, कागती खेती, सुन्तला तथा अलैची बगान ब्यबस्थापन तथा सुदृढीकरण गर्ने कार्यक्रम कृषिज्ञान केन्दसग छन् । तर योजना र कार्यक्रम सन्चालन कार्यविधि प्राप्त नभएकै कारण धनकुटा र तेह्रथुममा पुस महिनाको तेस्रो सातासम्म कृषि सम्बन्धी कुनै योजना र कार्यक्रम सन्चालन हुन सकेको छैन । कृर्षिज्ञान केन्द्र धनकुटाका निमित्त प्रमुख सुर्यप्रसाद सापकोटा ।
नर्सरी र अलैची प्रसोधन केन्द्र निर्माणसमेतका लागि पाँच करोड ८९ लाख २० हजार रुपैयाँ लागतका २१ वटा योजना र कार्यक्रम मध्ये पुस लागेपछि बल्ल साना सिँचाई र बीजबृद्धि आत्मनिर्भर कार्यक्रमको कार्यबिधि मात्र आएको छ ।
समय छउन्जेल योजना र कार्यक्रम बनाएर तल नपठाउँने अनि आर्थिक वर्षको अन्त्यमा मात्रै कार्यबिधि, अख्तियारी र बजेट पठाएर छिटो काम सक्न दवाव दिने केन्द्रको प्रवृत्तिले अपारदर्शी र गुणस्तरहिनतालाई प्रश्रय मात्रै दिएको छैन, गरिब किसानका लागि कृषिमा सरकारी अनुदान र सहयोगका कार्यक्रम बालुवामा पानी भएका छन ।
पुस महिनाभित्र अरु १९ वटा कार्यबिधि आइहाले पनि सार्वजनिक सूचनाको प्रकृया सकेर एकल, साझेदारी र अनुदानका योजना र कार्यक्रम सन्चालन हुन एक महिना भन्दा बढि समय लाग्छ । माघ १५ बाट कार्यक्रम सन्चालन भए पनि दरबन्दीका आधा पनि कर्मचारी नभएको ज्ञान केन्द्रले फिल्डका योजनामा प्रति महिना एक करोड रुपैयाँ भन्दा बढि रकम खर्चनुपर्छ ।
