कुरुलेतेनुपा माविमा विभिन्न प्रतियोगितात्मक कार्यक्रम सम्पन्न
भाद्र २२ धनकुटा खबर । ४० औ शिक्षा दिवस तथा ५३ औ अन्तराष्ट्रिय साक्षरता दिवसको अवसरमा कुरुलेतेनुपा माद्यमिक विद्यालय चौविसेगाउँपालिका ३ गढीगाउँ धनकुटामा विभिन्न प्रतियोगितात्मक कार्यक्रम सम्पन्न भएको छ ।
हामी सवै प्रण, सार्वजनिक शिक्षामा सवलीकरण, भन्ने नाराका साथ मावि तहका विद्यार्थीहरु वीच सदनवाईज भएको हाजिरी जवाफ प्रतियोगितामा मकालु “ए” पहिलो,सगरमाथा “ए”,दोश्रो र कञ्चनजंघा “ए” तेश्रो भएका छन् ।
त्यस्तैगरी प्रावि तर्फका छात्रहरु वीच भएको पुच्छर लुकाई खेलमा विशेष मगर र अनिष मगर प्रथम, निरज तामाङ्ग तेश्रो भएकाछन् भने छात्राहरु वीचको खेलमा मनिला राई पहिलो,युनिषा थापा दोश्रो र अञ्जना मगर तेश्रो भएको विद्यालयका शिक्षक शुक वहादुर मगरले जानकारी दिनुभयो ।
कार्यक्रम चौविसे गाउँपालिका गाउँ कार्य समिति सदस्य राधिका भण्डारीको प्रमुख आतिथ्य तथा विद्यालयका निमित्त प्रधानाध्यापक नवराज ढुंगानाको अध्यक्षतामा भएको थियो ।
कार्यक्रममा विद्यालयका पूर्व प्रधानाध्यापक भक्त कुमार सुव्वा, विद्यालय व्यवस्थापन समितिका कार्यवाहक अध्यक्ष विमला भण्डारी लगायत विद्यालयका अन्य शिक्षक,विद्यार्थी तथा अभिभावकहरुको उपस्थिती थियो । प्रतियोगिताका विजयी विद्यार्थीहरुलाई निमित्त प्रधानाध्यापक ढुंगाना र प्रमुख अतिथि भण्डारीले कपी कलम पुरस्कार वितरण गरेका थिए ।
कार्यक्रममा स्वागत मन्तव्य शिक्षक भानुभक्त ढकालले राख्नुभएको थियो भने सञ्चालन कृष्ण प्रसाद भण्डारीले गर्नुभएको थियो । कार्यक्रमको उद्देश्य शिक्षक जीवनाथ घिमिरेले प्रकाश पार्नुभएको थियो ।
