आँखिसल्ला, छिन्ताङ, शहिदभूमीकाे पहिचान र ईतिहास कायम गर्न सवै एकजुट भएर लाग्नु पर्नेमा जोड
धनकुटा खबर, माघ १८ । नेपाली कांग्रेस शहिदभूमी गाउँपालिका वडा नं २ काे वडा सम्मेलन अाज सम्पन्न भएकाे छ ।
नेपाली कांग्रेस शहिदभूमी गा.पा वडा नं २ का सभापति दूर्गा विष्टकाे सभापतित्वमा सम्पन्न सम्मेलनलाई सम्वाेधन गर्दै प्रदेश नं १ का सांसद लिला सुब्बाले आँखिसल्ला, छिन्ताङ, शहिदभूमीकाे पहिचान र ईतिहास कायम गर्न सवै एकजुट भएर लाग्नु पर्ने वताउनुभएकाे छ ।
अन्य सहभागीहरुले त्यहा नेपाली कांग्रेसले राजनीति जितेकाे तर निर्वाचन हारेकाे भन्दै त्यस क्षेत्रकाे विकास र समृद्वी धार्मिक पर्यटन र कृषीबाट गर्न सकिने वताएकाछन् । उनिहरुले सिङ्गाे छिन्ताङकाे समृद्वीका लागि नयाँ अभियान सञ्चालन गर्नुपर्नेमा जाेड दिदै पार्टीकाे संगठन विस्तार तथा सुदृढिकरण गर्ने समेत वताएकाछन् ।
सम्मेलनकाे अवसरमा पार्टीमा रही सक्रियता पूर्वक काम गरिरहेकाहरुलाई प्रदेश सांसद सुब्बा, नेपाली कांग्रेसका जिल्ला सचिव विजय सन्ताेषी राई लगायतले पार्टीकाे सदस्यता प्रदान गरेका थिए ।
सम्मेलनमा कांग्रेसका पूर्व महासमित सदस्य शिव कुमार राई, महाधिवेशन प्रतिनिधि राम कुमारी भण्डारी,शहिदभूमी गाउँपालिका सभापति तिर्थ राई लगायतले मन्तव्य राखेका थिए । सञ्चालन पार्टीका वडा नं २ का सचिव रुद्र राईले गर्नुभएकाे थियाे ।
