घरघरै पुगेर धनकुटामा बाँडियो मास्क !
धनकुटा खबर । धनकुटा उद्योग बाणिज्य संघले आज धनकुटामा मास्क वितरण गरेको छ । कोरोना भाईरस संक्रमणबाट सूरक्षित रहनका लागि संघले घर दैलो अभिायन नै सञ्चालन गरेर मास्क वितरण गरेको हो ।
संघले आज गाईजात्राको अवसरमा जात्रा हेर्न बजार आएका सर्वसाधारण र बजार क्षेत्रका पसल पसलमा पुगि मास्क वितरण गरेको थियो । दिन प्रतिदिन फैलि रहेको कोरोना भाईरस संक्रमणबाट वच्न व्यापारी, व्यावसायी र सर्वसाधारणलाई अनिवार्य रुपमा मास्क लगाउन, बारम्वार सावुन पानी वा सेनिटाईजरले हात धुन अनुरोध समेत गरेको संघका अध्यक्ष विजय सन्तोषी राईले जानकारी दिनुभयो ।
मास्क वितरण कार्यमा संघका अध्यक्ष राई सहित वरिष्ठ उपाध्यक्ष मन कुमारी तितुङ्ग, कोषाध्यक्ष रुपेश श्रेष्ठ, कार्यकारी सदस्यहरु, रेजिना पलिखे, रेवती प्रसाद अधिकारी, अम्बिका धमला, सुनिता थापा, उज्वल कर्माचार्य,रिदम श्रेष्ठ,शोभा श्रेष्ठ,कार्यलय सचिव सिचन प्रधान लगायतको सक्रिय सहभागिता थियो ।
