कोराना संक्रमितको सम्पर्कमा आएका सहित धनकुटाका १०८ जनाको पिसिआर धरान पठाईयो
धनकुटा खबर । आज धनकुटाको १०८ जनाको पिसिआर नमूना संकलन कोरोना जाँचका लागि धरान पठाईएको छ ।
चौविसे गाउपालिकाको कोभिड १९ संक्रमण पुष्टि भएका ३ जनाका सम्पर्कमा रहेका ३० जना र महालक्ष्मी नगरपालिकाका सार्वजनिक काममा वाहिरवाट आएका कामदार ७८ को नमूना संकलन गरि विपि कोईराला स्वास्थ्य विज्ञान प्रतिष्ठान धरान पठाईएको स्वास्थ्य कार्यलय धनकुटाले जनाएको छ । उनिहरुको नतिजा पर्सी सम्म जनाईएको छ ।
यस्तै हिजो कोरोना संक्रमण पुष्टि भएका धनकुटा नगरपालिका वडा नं ६ का एक जनालाई उपचारका लागि विपि कोईराला स्वास्थ्य विज्ञान प्रतिष्ठान धरान पठाईएको स्वास्थ्य कार्यलय प्रमुख तुलसी प्रसाद गुरागाईले जानकारी दिनुभयो । १५ वर्षका उनि दीर्घ रोगी समेत रहेको खुलेको छ ।
आज सम्म जिल्लाको २ हजार २७ जनाको पिसिआर विधिवाट कोरोना जाँच गरिएको छ । ती मध्ये ४४ जनाको पोजेटिभ र १ हजार ८ सय ७६जनाको रिपोर्ट नेगेटिभ आएको छ ।
अन्य १०७ जना को रिपोर्ट आउन बाँकी छ । पोजिटिभ रिपोट आएकाहरु मध्ये ३४ जना निको भईसकेका छन् । उपचाररत १० जना मध्ये ६ जना धनकुटा अस्पतालको आईसोलेसनमा, २ जना मोरङ गोठगाउँ र २ जना वि पि कोईराला स्वास्थ्य विज्ञान प्रतिष्ठान धरानमा रहेका छन ।
