धनकुटाका व्यूटिशिएन व्यावसायीहरुलाई फेस सिल, माक्स र सेनिटाईजर लगायत सूरक्षित सामाग्री उपलव्ध
धनकुटा । धनकुटा बजारका व्यूटिशिएन र हेयर कटिङ्ग व्यावसायीहरुलाई आज फेस सिल, माक्स र सेनिटाईजर लगायत सूरक्षित सामाग्री उपलव्ध गराईएको छ । लगातार लक डाउनका कारण बन्द भएका व्यूटिशियन र हेयर कटिङ्ग व्यावसायीहरुको वारेमा नेपाल सौन्र्दय कला व्यावसायी संघ धनकुटा, नेपाल नाई संघ धनकुटाका पदाधिकारी र सदस्यसंग धनकुटा उद्योग बाणिज्य संघले छलफल गरी सूरक्षित समाग्री उपलव्ध गराएको हो ।
सो अवसरमा धनकुटा उद्योग बाणिज्य संघका अध्यक्ष विजय सन्तोषी राईले व्यूटिशिएन र हेयर कटिङ्ग व्यावसाय लक डाउनका कारण ठूलो मारमा परेकोले सरकारले सूरक्षि वातावरण सिर्जना गरी व्यावसाय सञ्चालन गर्न दिनु पर्नेमा जोड दिनु भयो । सौन्र्दय कला व्यावसायी संघ धनकुटाका अध्यक्ष किरण श्रेष्ठ,नेपाल नाई संघ धनकुटका अध्यक्ष सुधिर ठाकुर,उपाध्यक्ष सतिस ठाकुर लगायतले सूरक्षित विधि अपनाएर व्यावसाय सञ्चालन गर्न सरकार समक्ष माग गरेकाछन् ।
धनकुटा उद्योग बाणिज्य संघका अध्यक्ष राईको अध्यक्षतामा सम्पन्न कार्यक्रममा वरिष्ठ उपाध्यक्ष मन कुमारी तितुङ्गले कार्यक्रमको वारेमा जानकारी गराउनु भएको थियो । नेपाल पत्रकार महासंघ धनकुटाका अध्यक्ष राजेश्वर वहादुर श्रेष्ठ,घरेलु तथा साना उद्योग महासंघका केन्द्रिय सदस्य रेणु श्रेष्ठ लगायतले लक डाउनका कारण उद्योग व्यापार र व्यावसाय पूर्ण रुपमा धराशायी भएकोले राज्यले सहयोग गर्नु पर्नेमा जोड दिएका थिए ।
