धनकुटाको भेडेटारबाट १७ सय ५० किलो अप्रशोधित सुर्ती पत्ता नियन्त्रण
धनकुटा खबर । धनकुटाको सागुरीगढी गाउँपालिका ६ भेडेटार चोकबाट प्रहरीले १७ सय ५० किलो अप्रशोधित सुर्ती पत्ता नियन्त्रणमा लिएको छ ।
भेडेटार प्रहरी चौकीका प्रहरी नायव निरिक्षकको नेतृत्वमा खटिएको प्रहरी टोलिले शंका लागी चेकजाच गर्दा झापादेखी तेह्रथुम तर्फ आउदै गरेको को १ ख ६२२९ नं को मिनि ट्रकमा लोड गरि ल्याईएको सो परिणामको सुर्ती नियन्त्रणमा लिएको हो ।
यसको मूल्य अनुमानित ४ लाख ५० हजार पर्ने प्रहरीले जनाएको छ । अप्रशोधित सुर्ती लोड गरिएको मिनि ट्रक र मोरङ उर्लावारी ३ वस्ने ३२ वर्षका चालक गायत्री खतिवडालाई पक्राउ गरि आवश्यक कारवाहीका लागि वीहिवार आन्तरिक राजश्व कार्यलय धरान सुनसरीमा वुझाईएको प्रहरीले जनाएको छ ।
