आज धनकुटाका थप ३ जनामा कोरोना संक्रमण पुष्टि
धनकुटा खबर । आज धनकुटाका थप ३ जनामा कोरोना संक्रमण पुष्टि भएको छ ।
प्रदेश १ सामाजिक विकास मन्त्रालयका अनुसार यहाँको १, धनकुटा नगरपालिका, महालक्ष्मी नगरपालिका र चौविसे गाउँपालिकमा १–१ जनामा संक्रमण पुष्टि भएको हो । यो सँगै प्रदेश १ मा आज २ सय २८ जना कोरोना संक्रमित थपिएका छन् ।
झापामा ९२, सुनसरीमा ५१, मोरंगमा ३५, संखुवासभामा ११, ताप्लेजुङमा १०, खोटाङमा ४, इलाम, उदयपुर ३, ते¥हथुम र भोजपुरमा १–१ र प्रदेश १ बाहिरका १४ जना रहेको सामाजिक विकास मन्त्रालयले जनाएको छ ।
प्रदेश १ मा कोरोना संक्रमितको संख्या २५ हजार ५ सय १८ पुगेको छ । आज यो प्रदेशका ९१ जना डिस्चार्ज भएका छन् । होमआईसोलेसनबाट ८७, मेची अस्पतालबाट ३ र विराट मेडिकल कलेजबाट १ जना डिस्चार्ज भएका हुन । यो सँगै डिस्चार्ज हुनेको संख्या २० हजार ९ सय ९० पुगेको छ । प्रदेश १ मा आज ९ सय ८५ जनाको पीसीआर परीक्षण गरिएको छ ।
परीक्षण गरिएका मध्ये ८० महिला र १ सय ४८ पुरुषको रिपोर्ट पोजेटिभ आएको हो । अहिले सम्म प्रदेश १ का १ लाख ८४ हजार ३ सय ९९ जनाको पीसीआर परीक्षण गरिएको मन्त्रालयले जनाएको छ ।
