धनकुटाका थप ५ जनामा कोरोना संक्रमण पुष्टि
धनकुटा खबर । आज धनकुटाका थप ५ जनामा कोरोना संक्रमण पुष्टि भएको छ । जिल्लाको धनकुटा नगरपालिकाका २, महालक्ष्मी नगरपालिकाका २ र शहिदभूमी गाउँपालिकाका १ जनामा आज संक्रमण पुष्टि भएको हो ।
प्रदेश १ मा आज २ सय २६ जना कोरोना संक्रमित थपिएका छन् । थपिने अन्य संक्रमितहरुमा मोरंगमा ७६, सुनसरीमा ४८, झापामा ४५, ताप्लेजुङमा २१, उदयपुरमा ९, इलाम ५, संखुवासभा, ते¥हथुम, भोजपुर र पाँचथरमा १–१ र प्रदेश १ बाहिरका १३ जना रहेका छन् । यो सँगै प्रदेश १ मा कोरोना संक्रमितको संख्या २७ हजार २ सय ६२ पुगेको छ ।
प्रदेश १ मा आज १ सय २ जना डिस्चार्ज भएका छन् । होमआईसोलेसनबाट १ सय र न्युरो अस्पतालबाट २ जना डिस्चार्ज भएका हुन । अहिलेसम्म डिस्चार्ज हुनेको संख्या २२ हजार २ सय ८५ पुगेको छ ।
प्रदेश १ मा आज १ हजार ५३ जनाको पीसीआर परीक्षण गरिएको छ । परीक्षण गरिएका मध्ये ९० महिला र १ सय ३६ पुरुषको रिपोर्ट पोजेटिभ आएको हो । अहिलेसम्म १ लाख ९१ हजार ४ सय २६ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
