प्रदेश १ मा ५ सय १५ जना कोरोना संक्रमित डिस्चार्ज
विराटनगर /गत २४ घण्टामा प्रदेश १ मा ५ सय १५ जना कोरोना संक्रमित डिस्चार्ज भएका छन् । होमआईसोलेसनबाट ५ सय १, मेची अस्पतालबाट ५, कोशी अस्पताल कोभिड १९ उपचार केन्द्रबाट ४, विराट मेडिकल कलेजबाट ३ र वीपी कोइराला स्वास्थ्य विज्ञान प्रतिष्ठान र न्युरो अस्पतालबाट १–१ जना डिस्चार्ज भएका हुन ।
अहिलेसम्म डिस्चार्ज हुनेको संख्या २६ हजार २ सय ९६ पुगेको छ । यो प्रदेशमा आज ५० जना कोरोना संक्रमित थपिएका छन् । मोरंगमा १७, सुनसरीमा १४, झापामा १२, इलाम, पाँचथर र ओखलढुङ्गामा १–१ र प्रदेश १ बाहिरका ४ जना रहेको सामाजिक विकास मन्त्रालयले जनाएको छ ।
यो संगै कुल संक्रमितको संख्या २९ हजार ५ सय ७४ पुगेको छ । प्रदेश १ मा आज ३ सय ९० जनाको पीसीआर परीक्षण गरिएको मध्ये २१ महिला र २९ पुरुषको रिपोर्ट पोजेटिभ आएको छ । अहिलेसम्म यो प्रदेशमा २ लाख ६ हजार ४ सय १४ जनाको पीसीआर परीक्षण गरिएको मन्त्रालयले जनाएको छ ।
