धनकुटामा आज ३ जना कोरोना संक्रमित थपिए
विराटनगर । धनकुटामा आज ३ जना कोरोना संक्रमित थपिएका छन् । सामाजिक विकास मन्त्रालयका अनुसार जिल्लाको धनकुटा नगरपालिकामा ३ जना नयाँ संक्रमित थपिएका हुन् ।
यो सँगै प्रदेश १ मा आज १३ जना कोरोना संक्रमित थपिएका छन् । थपिएका अन्य संक्रमितहरुमा झापा ५, मोरंग ४, सोलुखुम्वु १ जना रहेको सामाजिक विकास मन्त्रालयले जनाएको छ ।
अहिले सम्म प्रदेश १ मा कोरोना संक्रमितको कूल संख्या संख्या २९ हजार ६ सय २७ पुगेको छ । भने कोरोनालाई परास्त गर्दै प्रदेश १ मा आज १ सय ३९ जना डिस्चार्ज भएका छन् । डिस्चार्ज हुने सवै होम आईसोलेसनका रहेका छन् ।
अहिलेसम्म २६ हजार ८ सय ४९ जना संक्रमण मुक्त भएका छन् । यो प्रदेश मा आज प्रदेश १ मा आज १६९ जनाको पीसीआर परीक्षण गरिएको छ । परीक्षण गरिएका मध्ये ८ महिला र ५ पुरुषको रिपोर्ट पोजेटिभ आएको हो । अहिलेसम्म २ लाख ६ हजार ८९३ जनाको पीसीआर परीक्षण गरिएको मन्त्रालयले जनाएको छ ।
