२४ घण्टामा प्रदेश १ मा ९५ जना डिस्चार्ज
विराटनगर /कोरोनालाई जित्दै गएको २४ घण्टामा प्रदेश १ मा ९५ जना डिस्चार्ज भएका छन् । होमआईसोलेसनबाट ८६, कोशी अस्पताल कोभिड १९ उपचार केन्द्रबाट ८ र विराट मेडिकल कलेजबाट १ जना डिस्चार्ज भएकाहुन ।
यो सँगै अहिलेसम्म डिस्चार्ज हुनेको संख्या २८ हजार ५ सय २५ पुगेको छ । यो प्रदेशमा आज ३१ जना कोरोना संक्रमित थपिएका छन् । थपिएका संक्रमितहरुमा मोरंगका १६, सुनसरीका ८, झापाका ६ र प्रदेश १ बाहिरका १ जना रहेको सामाजिक विकास मन्त्रालयले जनाएको छ ।
मोरंगको विराटनगरमा १०, बुढीगंगामा ४, लेटाङमा २, सुनसरीको इटहरीमा ४, धरानमा २, रामधुनी र हरिनगरमा १–१, झापाको विर्तामोडमा २, अर्जुनधारा, कनकाई, बुद्धशान्ति र कमलगाउँपालिकामा १–१ र प्रदेश १ बाहिरका १ जनाको रिपोर्ट पोजेटिभ आएको हो । यो सँगै संक्रमतिको संख्या २९ हजार ८ सय ४३ पुगेको छ । यो प्रदेशमा आज ३ सय २८ जनाको पीसीआर परीक्षण मध्ये ८ महिला र २३ पुरुषको रिपोर्ट पोजेटिभ आएको हो ।
अहिले सम्म २ लाख ९ हजार २ सय ३९ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
