नेपाल पत्रकार महासंघ धनकुटा शाखाको साधारण सभा सर्यो
धनकुटा १५ माघ । नेपाल पत्रकार महासंघ धनकुटा शाखाको साधारण सभा सरेको छ महासंघको १० औं साधारण सभा तोकिएको मिति माघ १७ गते हुने भनिएकोमा बिशेष कारणले माघ २० गते पाख्रिवासमा गर्ने गरि सारिएको नेपाल पत्रकार महासंघ धनकुटाका सपचव विदुर खवासले जानकारी दिनु भयो । साथै आजबसेको कार्यसमितकिो बैठकले निम्न निर्णय गरेको समेत जनायएको छ ।
१.नेपाल पत्रकार महासंघ धनकुटाका सचिव बिदुर खवासले पेश गर्नुभएको पत्रकार कल्याणकारी कोषको नियमावली २०७७ सर्वसहमतिबाट पारित गरी साधारणम सभामा अनुमोदनका लागि पेश गर्ने निर्णय गरियो ।
२।नेपाल पत्रकार महासंघ धनकुटा शाखाले स्थापना गरेको अक्षकोष बृद्धि गर्नका लागि रु १ बाट १० लाख अभियान शुरु गर्ने निर्णय गरियो । साथै उक्त अक्षकोषका लागि पत्रकारहरुबाट दैनिक १ रुपैंयाका दरले स्वईच्छिक रुपमा संगलन गर्ने निर्णय गरियो ।
३।महासंघको १० औं साधारण सभा तोकिएको मिति माघ १७ गते हुने भनिएकोमा बिशेष कारणले हुननसकेको हुंदा माघ २० गते मंगलबार पाख्रिबास नगरपालिका ४ को पर्यटकीय स्थल सनसारीमाई सिमसारमा गर्ने निर्णय गरियो ।
४।नेपाल पत्रकार महासंघको भवन निर्माणमा महत्वपूर्ण भूमिका निर्वाह गर्नुहुने व्यक्तित्वहरुलाई सम्मान गर्ने निर्णय गरियो ।
५।नेपाल पत्रकार महासंघ धनकुटा शाखाका अध्यक्ष राजेश्वर बहादुर श्रेष्ठले आफ्नो स्वर्गिय बुवाको स्मृतिमा तथा सचिव बिदुर खवासले आफ्ना स्वर्गिय हजुरबुवा हजुरआमाको स्मृतिमा बार्षिक रुपमा बितरण गर्नेगरी रु ५ हजार ५ सयका दरले रु ११ हजार १ सय १० रुपैयाको क्रियाशिल पत्रकारीता पुरस्कार स्थापना गर्ने निर्णय गरियो ।
