धनकुटामा पनि सुरु भयो हर्न निषेध अभियान
धनकुटा,१० फागुन । जिल्ला ट्राफिक प्रहरी कार्यलय धनकुटाले हर्न निषेध अभियान लाई विशेष प्राथमिकतामा राखी कार्यन्यनमा ल्याएको छ ।
प्रदेश ट्राफिक प्रहरी कार्यालयको तदारुकतामा सोमबारबाट १ नम्बर प्रदेश भरी एकसाथ अभियान थालिएको हो । प्रदेश ट्राफिक प्रहरी कार्यलयले राजमार्ग तथा सहायक मार्गमा सवारीका साधन रोकेर प्रेसर हर्न नबजाउन आग्रह सहित चालक लक्षित कार्यक्रम संचालनमा ल्याएको जिल्ला ट्राफिक प्रहरी कार्यालय धनकुटाले जनाएको छ ।
सो अभियान अन्तरगत ट्राफिक प्रहरीले सवारी चालकहरुलाई आदर सहित अनुरोध गर्दै हर्न निषेध अभियान संचालन गरेको छ । ट्राफिक प्रहरीले विभिन्न सवारी साधन रोकेर चालकलाई नमस्कार गर्दै अभियानको बारेमा जानकारी गराएको जिल्ला ट्राफिक पहरी धनकुटाका प्रमुख सुरेन्द्र खड्काले जानकारी दिनुभयो ।
सो क्रममा ट्राफिक प्रहरीले चालक समक्ष ध्वनी प्रदुषण रोक्नको लागि अभियान कार्यान्वयनमा साथ दिन अनुरोध समेत गर्ने गरेको ट्राफिक प्रहरी दिपक खड्काले जानकारी दिनुभयो ।
