पूर्वमन्त्री सुवालको निधन
काठमाडौं । पूर्वस्वास्थ्यमन्त्री प्रयागराज सिं सुवालको आइतबार बेलुकी निधन भएको छ । ९३ वर्षका सुवालको आफ्नै निवासमा निधन भएको हो ।
प्रजातन्त्र प्राप्तिका लागि लडेका नेताहरुमध्येका एक उनी लामो समय नेपाली कांग्रेसमा रही राजनीतिमा सक्रिय थिए । पञ्चायतकालमा स्नातकहरुमध्येबाट सांसद चुनिएका उनी कुनै बेला काठमाडौं नगरको प्रमुख पनि भएका थिए । उनले परोपकार संस्थाको अध्यक्षको भूमिका पनि निर्वाह गरेका थिए ।
सुवालको आजै टेकू दोभानमा अत्येष्टि गरिने परिवारले जनाएको छ । उनका श्रीमती, दुई छोरा र एक छोरी छन् । (रासस)
