प्रदेश नंं १ मा आज थपिए ५५ जना कोरोना संक्रमित
विराटनगर । प्रदेश नंं १ मा आज ५५ जना कोरोना संक्रमित थपिएका छन् । मोरंगमा २९, झापामा १७, सुनसरीमा ३ र प्रदेश १ बाहिरका ६ जनामा संक्रमण देखिएको सामाजिक विकास मन्त्रालयले जनाएको छ ।
मोरंगको विराटनगरमा १० महिला र १४ पुरुष सहित २४, सुन्दरहरैचामा २, बुढीगंगा, बेलबारी र कटहरीमा १–१, झापाको विर्तामोडमा ५, कनकाई र भद्रपुरमा ३–३, दमक र मेचीनगरमा २–२, अर्जुनधारा र झापा गाउँपालिकामा १–१, सुनसरीको इटहरी, देवानगञ्ज र बराहक्षेत्रमा १–१ र प्रदेश १ बाहिरका ६ जनामा संक्रमण देखिएको मन्त्रालयले जनाएको छ ।
यो प्रदेशमा कोरोना संक्रमितको संख्या ३० हजार ७ सय २ पुगेको छ । संक्रमित मध्ये २९ हजार ९ सय ११ जना संक्रमण मुक्त भएका छन् । सक्रिय संक्रमितको संख्या ३ सय १९ पुगेको छ । प्रदेश १ मा आज ३ सय २५ जनाको पीसीआर परीक्षण गरिएको मध्ये २२ महिला र ३३ पुरुषको रिपोर्ट पोजेटिभ आएको हो ।
