खुवालुङमा आन्तिरक पर्यटकको चहल पहल बढ्दै
धनकुटा, ७ बैशाख । पछिल्लो समय धनकुटा, उदयपुर र भोजपुरको सीमा क्षेत्र त्रिवेणीस्थित सप्त कोशीनदीको बिचमा रहेको ठूलो ढुंगा खुवालुङ फुटाउने भन्ने चर्चा चले पछि यस लाई हेर्नका लागि दैनिक सयौं आन्तरिक पर्यटक आउन थालेका छन् ।
सप्त कोशीनदीको बीचमा रहेको ठूलो ढुंगा खुवालुङ फुटाउने भन्ने प्रधानमन्त्रीले एक कार्यक्रमामा अभिव्यक्ति दिए पछि एका एक चर्चामा आएको खुवालुङ हेर्न अहिले धनकुटा, झापा, पाँचथर , विराटनगर सहित राजधानी बाट समेत मानिसहरु आउन थालेका छन् । त्यसमा पनि किराँत धर्मबलम्भीहरु धेरै रहेका छन् ।
ढुंगा खुवालुङले मोटर बोट संचालनमा बाधाँ पु¥याएको भन्दै फूटाउने भएपछि त्यसको बिरोध समेत भएको थियो । किरात राई चाम्लिङ्ग भाषामा खु भनेको ठुलो खोला र वा भनेको पानी र लुङ भनेको ढुंगा हुने भन्दै खुवालुङ सिंगो किराँत समुदायको धार्मिक तथा साँस्कृतिक आस्थाको केन्द्र रहेको भन्दै त्यस लाई फुटाउन नहुने भन्दै बिरोध समेत भएको थियो ।
खुवालुङ बिषयमा पहिला खासै थाहाँ नभएको र अहिले चर्चामा आए पछि आफूहरुको समुदायको धार्मिक तथा साँस्कृतिक आस्थाको केन्द्र रहेको भन्ने थाहाँ पाए पछि एक चोटि हेर्न जाँउँ भनि आएको झापाका रोशन किराँतीले बताए ।
धार्मिक आस्थाका रुपमा रहेको खुवालुङ फुटाउनुको साटो जोगाएर जेट बोट चलाउन सकिने र यो क्षेत्र लाई धार्मिक रुपमा पर्यटनको विकास गर्नुपर्ने स्थानिय भानु राईले बताउँए । उनले भने अहिले विभिन्न समुह बनाए र दैनिक सयौं आन्तिरक पर्यटक आउने गरेका छन् ।
खुवालुङ फोडिँदा किरातीहरूको आस्थामाथि नै प्रहार हुने अभियान्ताहरुको भनाई छ । त्यसैले खुवालुङ कुनै एक समुदाय र धर्मको मात्रनभई सबैको सम्पदाभएकाले यसलाई बचाएरै जलयातायात सञ्चालन गर्नु पर्ने र यस स्थानमा लाई पर्यटकीय क्षेत्रको रुपमा विकास गर्दे जानु पर्ने स्थानीय बासिन्दाहरुको माग छ ।
प्रदेश १ का मुख्य मन्त्री शेरधन राईले समेत अबलोकन गरि खुवालुङको बिषयमा राजनिती नगरी यस लाई संरक्षण गर्दै पर्यटन संग जोड्नु पर्ने बताएछन् ।
