कुलमान घिसिङले लिए नियुक्ति पत्र
काठमाडौं- नेपाल विद्युत् प्राधिकरणको कार्यकारी निर्देशक नियुक्त भएका कुलमान घिसिङले आज पदभार ग्रहण गरेका छन्। उनी आफैले ११ महिना अगाडी छाडेको कुर्चीमा फर्केका छन् ।
प्राधिकरणमा कुलमान दोस्रोपटक गत सोमबार मन्त्रिपरिषदबाट कार्यकारी निर्देशकमा नियुक्त भएका थिए। उनलाई पुन: प्राधिकरणमा ल्याउन ब्यापक जनदवाव थियो ।
ऊर्जामन्त्री पम्फा भुसालको ठाडो प्रस्तावमा घिसिङ नियुक्त भएका हुन्। ३ वर्ष कार्यकाल बाँकी छँदै हितेन्द्र देव शाक्य भने प्राधिकरणबाट बाहिरिएका छन्। उनलाई सरकारले ऊर्जा आयोगमा नियुक्ति दिएको छ।
