बालबालिकाहरुलाई टाईफाईड विरुद्धको खोप लगाउने अभियान आजबाट शुरु
शर्मिला राई/चैत २५,धनकुटा । आजबाट १५ महिना देखि १५ वर्ष सम्मका बालबालिकाहरुलाई टाईफाईड विरुद्वको खोप लगाउने राष्ट्रिय अभियान शूरु हुँदैछ ।
यो अभियनको क्रममा आफ्ना बालालिकाहरुलाई नजिकको खोप केन्द्रमा लगेर टाईफाईड विरुद्वको खोप लगाउन स्वास्थ्य कार्यलय धनकुटाले जिल्लावासी सम्पूर्णलाई आह्वान गरेको छ ।
स्वास्थ्य कार्यलयका अनुसार यो खोप आजदेखी चैत २९ गतेसम्म जिल्लाका सम्पूर्ण विद्यालय मार्फत ४३ हजार १ सय ३५ बालबालिकाहरुलाई लगाईने लक्ष छ । जसका लागि ८ सय ८ जना स्वयम् सेवक खटिएका छन् ।
विकसित मुलुकका १ लाख जनसंख्या मध्ये १ सय जनामा टाईफाईडको संक्रमित भेटिए विश्व स्वास्थ्य संगठन (WHO) ले महामारीको महामारीको रुपमा घोषणा गरेको स्वास्थ्य कार्यलयले जनाएको छ ।
नेपालमा हाल ३ सय बढी जनसंख्यामा यो रोगको संक्रमण देखिएको कार्यलयको तथ्याङ्क छ । यो खोप १५ महिना वा सो भन्दा माथि उमेर समूहका सबैले लिन मिल्ने तर यो अभियानमा १५ महिनादेखी १५ वर्ष मुनिका बालबालिकाहरुलाई मात्र लगाईने कार्यलयले जनाएको छ ।
एलर्जीको समस्या भएका,एड्स् संक्रमित,गर्भवती महिला र स्तनपान गराईरहेका महिलाहरुले लगाउन नहुने जनाईएको छ ।
