जिल्ला बक्सिङ संघ धनकुटाद्वारा कोशी प्रदेश स्तरिय बक्सिङ प्रतियोगिताका विजेता खेलाडी र प्रशिक्षकलाई सम्मान
धनकुटा । जिल्ला बक्सिङ संघ धनकुटाले कोशी प्रदेश स्तरिय बक्सिङ प्रतियोगिताका विजेता खेलाडी र प्रशिक्षकलाई सम्मान गरेको छ । संघले आज धनकुटामा विजेता खेलाडी र प्रशिक्षकलाई सम्मान गरेको हो ।
हालै उदयपुरमा सम्पन्न प्रदेश स्तरिय प्रतियोगिताका स्वर्ण पदक विजेता शर्मिला आलेमगर, रजत पदक विजेता हाङसवा लिम्बू र कास्य पदक विजेता सञ्जय आले र नेगिन्द्र थापा मगरलाई सम्मान गरिएको जिल्ला बक्सिङ संघ धनकुटाका सचिव कुमार बस्नेतले जानकारी दिनुभयो ।
यस्तै बक्सिङका प्रशिक्षक किशोर लिम्बूलाई पनि सम्मान गरिएको छ । कोशी प्रदेश स्तरिय बक्सिङ प्रतियोगितामा धनकुटाको नाम राख्न सफल भएका खेलाडी तथा प्रशिक्षकलाई सम्मान गरिएको बक्सिङ संघ धनकुटाका अध्यक्ष विदुर खवासले बताउनु भयो ।
उहाँले धनकुटालाई बक्सिङमय बनाउन लागिपरिरहेको र आगामी साउन दोस्रो सातादेखि बक्सिङ संघले धनकुटामा नियमित प्रशिक्षण कार्यक्रमको तयारी गरिरहेको समेत जानकारी दिनुभयो ।
