महावीर पुनले बिक्रीमा राखेका पदक सरकारलाई फिर्ता दिने
काठमाडौं । राष्ट्रिय आविष्कार केन्द्रका संयोजक महावीर पुनले बिक्रीमा राखेका पदकहरु सरकारलाई फिर्ता दिने भएका छन् ।
उनले केही दिनअघि आविष्कार केन्द्रको वीरगञ्जस्थित कृषि औजार कारखानाका लागि खर्च जुटाउन नेपाल सरकारबाट प्राप्त दुई मेडलसहित अन्तर्राष्ट्रिय मेडलहरुको लिलाम बिक्रीका लागि राखेका थिए । त्यसमा गृह मन्त्रालयले पुनलाई बोलाएर मेडल बेच्न नपाइनेबारे सजग गराएको पुनले सामािजक सञ्जाल फेसबुकमार्फत उल्लेख गरेका छन् ।
‘रुटिन अफ नेपाल बन्दसहित केही मिडियामा मेडल बिक्रीका विषय आएका थिए । गृह मन्त्रालयले कति छिटो थाहा पाएर मलाइ सिंह दरबारमा बोलाई हाल्यो र कानुन पढेर सुनायो । अनि पो थाहा भयो मैले त कानुन उलंघन गरेको रहेछु । कानुन मिच्नेलाई ठोक्नु पर्छ भन्ने कुरामा मेरो पूर्ण सहमत छ’, उनले फेसबुकमा लेखेका छन्, ‘त्यसैले त्यो कानुन मैले मान्नु पर्छ र मान्छु । अब त्यो मेडल बेच्न नपाउने भयो । बरु कानुनमा उल्लेख गरे अनुसार ति पदकहरु गृह मन्त्रालयलाई नै फिर्ता जानेछ ।’
तर उनले अन्य अन्तर्राष्ट्रिय मेडलहरू बेच्न भने कुनै राेकटाेक नभएकाे भन्दै बिक्री गरिने बताएका छन् ।
