नक्कली शैक्षिक प्रमाण पत्र प्रकरण : सुमेरू सिटी अस्पतालकी डाक्टर पुनम पनि पक्राउ
काठमाडौ । नक्कली शैक्षिक प्रमाण पत्र लिएको आरोपमा प्रहरीले थप एक जनालाई पक्राउ गरेको छ ।
केन्द्रीय अनुसन्धान ब्युरो सिआइबीले सुमेरू सिटी हस्पिटलकी डा. पुनम थापा चौधरीलाई पक्राउ गरेको सिआइबीका एसपी नवराज अधिकारीले जानकारी दिए । उनलाई काठमाडौंस्थित घरबाट पक्राउ गरेको हो ।
प्रहरीको केन्द्रीय अनुसन्धान ब्यूरो सीआईबीले नक्कली शैक्षिक प्रमाण–पत्र बाहक चिकित्सकलाई पक्राउ गरिरहेको छ । पूराना केसलाई अध्ययन गरेर नयाँ कारबाही चलाएको सीआईबीले नेपाली कांग्रेसका सांसद तथा मेडिकल कलेज सञ्चालक सुनिल शर्मासहित ८ जनालाई पक्राउ गरिसकेको छ ।
