पाख्रिबासमा किशोरी बलात्कृत,बलात्कार आरोपमा ६७ बर्षीय तामाङ पक्राउ
धनकुटा । धनकुटाको पाख्रिबासमा एक किशोरी बलात्कृत भएकी छिन् ।
१६ वर्षीय किशोरीको बलात्कारको आरोपमा एकजना पक्राउ परेका छन् । पक्राउ पर्नेमा पाख्रिबास नगरपालिका–८ का ६७ वर्षीय रंगलाल तामाङ रहेका छन् ।
तामाङलाई शनिबार दिउँसो प्रहरीले नियन्त्रणमा लिएको हो । विगत केही दिन अगाडि नै घटना घटेपनि परिवारले हिजो मात्र थाहा पाइ प्रहरीमा उजुरी दिएपछि पीडकलाई पक्राउ गरिएको हो ।
स्कुल आउने जाने क्रममा पीडित किशोरीको पीडकसंग चिनजान भएको र गएको आइतबार दिउँसो किशोरीलाई डरत्रास देखाई आफ्नै घरको कोठामा लगेर बलात्कार गरेको तामाङमाथि आरोप छ ।
सो उजुरीका आधारमा जिल्ला प्रहरी कार्यालय धनकुटाबाट खटिएको टोलीले उनलाई पक्राउ गरेको थियो । घटनाबारे थप अनुसन्धान गरिरहेको जिल्ला प्रहरी कार्यालय धनकुटाले जनाएको छ ।
