धनकुटामा यसरी मनाइयो राष्ट्रिय विभूति फाल्गुनन्द लिङ्देनको १३९ औं जन्मजयन्ती
धनकुटा । किरात धर्मदर्शनदाता, समाज सुधारक, १६ औं राष्ट्रिय विभूति फाल्गुनन्द लिङ्देनको १३९ औं जन्मजयन्तीको अवसरमा धनकुटाको चौविसे २ काभ्राबोटे स्थितको किरातेश्वर हाङसाङ युम्हा माङहिम मन्दिरमा
विभिन्न कार्यक्रम गरि मनाइएको छ ।
मन्दिर व्यवस्थापन समितिका अध्यक्ष मोहन तुम्छाको अध्यक्षतामा सञ्चालित कार्यक्रममा १०८ दीप प्रज्वलन, भलिवल र नृत्य प्रतियोगिता आयोजना गरिएको थियो । कार्यक्रमको उद्घाटन प्रमुख अतिथी किरात धर्म तथा साहित्य उत्थान समिती धनकुटाका अध्यक्ष पूर्ण खजुमले गर्नुभएको थियो ।
कार्यक्रमलाई सम्बोधन गर्दै उहाँले किरात धर्म सँस्कृती उत्थानमा फल्गुनन्द लिङ्देनले पुर्याउनु भएएको योगदानको कदर गर्दै सबै जातजाती तथा समुदायले अनुशरण गर्नपर्ने बताउनु भयो ।
कार्यक्रममा जनप्रतिनीधि ईन्द्र कुमार तुम्छा, समाजसेवी सञ्च वहादुर मादी,भीम तुम्छा, शालिग्राम पौडेल लगायतले मन्तव्य राखेका थिए । सञ्चालन मन्दिर व्यवस्थापन समितीका सचिव निलोक तुम्छाले गर्नुभएको थियो ।
