दसैँ तिहार मनाउन गाउँघर गएकाहरु कर्मथलो फर्किदै
धनकुटा,३ मंसिर । दसैँ तिहार मनाउन गाउँघर गएकाहरु कर्मथलो फर्किने क्रम सुरु भएको छ ।
गाउँ गएकाहरू विस्तारै आफ्नो कर्म थालो फर्किन थाले संगै बस बिसौनी र यात्रुबाहक सवारी साधनमा यात्रुहरुको भिड बढ्न थालेको छ । दसैँ तिहार मनाउन गाउँ गएका मानिसहरू फर्कन थालेपछि धनकुटा सदरमुकाममा समेत विस्तारै चहलपहल बढ्न थालेको छ ।
लामो तथा छोटो दुरीका सवारी साधनमा यात्रुको चाप समेत धरै भएको यातायत व्यावसायीहरुको भनाई छ । तराईबाट पहाडी जिल्ला आउने सवारी साधानमा यात्रु कम भए पनि पहाडी जिल्लाबाट तराइ झर्ने यात्रुको संख्या भने धेरै भएको व्यावसायीको भनाई छ ।
